फातोर्डा : सरकार गोव्याला स्वयंपुर्ण बनविण्यासाठी प्रयत्नशील असल्याचे मुख्यमंत्री डॉ. प्रमोद सावंत यांनी नावेली सिकेटी फुटबॉल मैदानाचे लोकार्पण केल्यानंतर सांगितले. त्यासाठी डिसेंबर पर्यंत गोवा प्रगती योजने अंतर्गत 150 विविध प्रकारचे प्रकल्प जीएसआयडीसी, सार्वजनिक बांधकाम खाते, वीज खाते यांच्यामार्फत गोव्यातील सर्व मतदार संघात खास करुन पंचायत क्षेत्रामध्ये पुर्ण केले जातील. त्यासाठी पंचायतीचे सहकार्य अपेक्षित आहे व त्यासाठी पंचायतींनी पुढाकार घेतला पाहिजे. असे मुख्यमंत्र्यांनी नमूद केले.

शिवाय सेंद्रिय शेतीसाठी कृषी खात्याने शेतकऱ्यांचे 500 गट तयार केले असुन त्याचा चांगला परिणाम लवकरच दिसुन येईल असेही मुख्यमंत्री म्हणाले. गोवा स्वयंपुर्ण बनविण्यासाठी सर्वच गोमंतकीयांनी सहकार्य करावे असे आवाहनही मुख्यमंत्र्यांनी या प्रसंगी केले.