हिंदू धर्मातील सणांचा राजा म्हटले जाणारा गणेशोत्सव (Ganeshotsav) जवळ आला आहे. गावकरवाडा होंडा सत्तरी येथील मूर्तिकार (Sculptor) दीपक गावकर हे सध्या शाडूमातीच्या गणेशमूर्ती घडविण्यात गढून गेले आहेत. त्यांना त्यांच्या घरातील चिमुकली मुलेही मदत करत आहेत. यंदा 220 मूर्ती तयार करण्यात येत असल्याचे दीपक गावकर यांनी सांगितले. मूर्ती साठीची माती माडेल थिवी येथून विकत आणून ते दरवर्षी गणेशमूर्ती तयार करतात. गावकर हे एक उत्कृष्ट चित्रकार असून त्यांच्या निसर्ग चित्रांना मोठी मागणी आहे. उत्कृष्ट वॉल (भिंती) पेंटर म्हणून त्यांना ओळखले जाते. पाऊस असल्याने मूर्ती वाळण्यास वेळ लागत आहे. मूर्ती वाळल्यानंतर त्यांचे रंगकाम करणार असल्याचे गावकर यांनी सांगितले.