गोवा माध्यमिक व उच्च माध्यमिक मंडळाने (Goa Secondary and Higher Secondary Board) जाहीर केलेल्या दहावीच्या निकालात मडगावमधील (Madgaon) दहा पैकी सहा शाळांचे (Schools) 100 टक्के निकाल लागला. या मध्ये फातिमा कॉनवेट, न्यू ईरा, पोप्युलर, श्री दामोदर, प्रेझेंटेशन कॉनवेंट व बोर्डा येथील सरकारी शाळांचा समावेश आहे. भाटिकर मॉडेलचा 99.24, महिला व नुतन इंग्लिशचा 99.36, लॉयलाचा 98.31 व होली स्पिरिटचा 98.78 टक्के निकाल लागला.

यंदा मडगावमधून 1160 पैकी 1153 विद्यार्थी उत्तिर्ण झाले. सालसेत तालुक्याचा निकाल 99.7 टक्के लागला. या तालुक्यात एकुण 66 शाळा आहेत. त्यातील 4 शाळा सरकारी असुन 5085 विद्यार्थी यंदा दहावीत होते.  यंदाच्या निकालाबद्दल शाळा प्रमुखांनी समाधान व्यक्त केले. रवीन्द्र केळेकर विद्यामंदिराचे मुख्याध्यापक अनंत अग्नी म्हणाले की आमच्या शाळेचा समाधानकारक निकाल लागला आहे. जरी अंतिम परिक्षा न घेता वर्षभर घेतलेल्या चाचणी परिक्षातुन हा निकाल तयार केलेला असला तरी कुठल्याही विद्यार्थ्यावर अन्याय झालेला नाही.  ज्या ज्या विद्यार्थ्यांनी जी टक्केवारी अपेक्षीत होती त्याचप्रमाणे त्यांना मिळालेली आहे. 

 पोप्युलर हायस्कुलच्या मुख्याध्यापिका सुचित्रा देसाई (Suchitra Desai) यांनी सांगितले की  ज्या विद्यार्थ्यांनी परिक्षांमध्ये जसे गुण मिळविले तसाच निकाल लागलेला आहे. आपल्या शाळेत प्रथम आलेल्याची टक्केवारी 93.88 आहे. जे विद्यार्थी पहिल्या पाच ते दहामध्ये अपेक्षीत होते त्यानी त्या प्रमाणे गुण मिळविले असे देसाई यांनी सांगितले.