निवडणूक 2022 साठी उमेदवारी दाखल करण्याच्या चौथ्या दिवशी म्हणजे काल एकूण 15 उमेदवारांनी आपले उमेदवारी अर्ज दाखल केले. येत्या 14 फेब्रुवारी रोजी होणाऱ्या विधानसभा निवडणुकीसाठी राज्यात आजपर्यंत एकूण 21 उमेदवारी अर्ज प्राप्त झाले असून त्यात काही प्रमुख उमेदवारांच्या डमी अर्जांचा समावेश आहे.

दरम्यान, आज आणखी दोन उमेदवारांनी आपले अर्ज दाखल केले आहेत. यात AAP गोवा (goa) संयोजक राहुल म्हांबरे यांनी गोवा विधानसभा निवडणूक (Election) 2022 साठी म्हापसा मतदारसंघातून उमेदवारी अर्ज दाखल केला आहे. ग्लेन सौझा टिक्लो यांनी गोवा विधानसभा निवडणूक (Assembly Election) 2022 साठी हळदोणा मतदारसंघातून अर्ज दाखल केला आहे.