Gaunem Dam Overflow: राज्यात मुसळधार पाऊस सुरूच असून परिणामी गावणे धरण ओव्हरफ्लो झाले आहे. यंदाच्या पावसात राज्यातील हे तिसरे धरण भरले आहे. यापूर्वी पंचवाडी आणि साळावली धरण भरले होते.

दरम्यान, आज-उद्या आमठाणे धरणही भरण्याची शक्यता आहे.

कोणते धरण किती भरले?

• साळावली : 105.2%

• अंजुणे : 49.0%

• आमठाणे : 94.4%

• पंचवाडी : 103.1%

• चापोली : 77.5%

• गावणे : 100%

• तिलारी : 70.2%

20 जुलैला साळवली फुल्ल

जलसंपदा विभागाचे सहायक अभियंता सिडनी फर्नांडीस यांनी दिलेल्या माहितीनुसार 20 जुलैला सकाळी 8.12 पासून धरण ओसंडून वाहू लागले. त्यामुळे पाणी टंचाईचा जो प्रश्न होता तो आता मिटला आहे. गेल्यावर्षी 8 जुलैला धरण ओव्हरफ्लो झाले होते.

गेल्यावर्षी 1,599 मिमी पाऊस झाल्यावर धरण भरून वाहू लागले होते. मात्र यंदा पाऊस उशिरा सुरू झाल्यामुळे धरणातील पाणीसाठी कमी झाला होता. त्यामुळे यावर्षी 2170 मिमी पाऊस झाल्यावर साळावळी धरण ओव्हरफ्लो झाले आहे.