Vasco: शांतीनगर वास्को येथे एका रिक्षा वजा रेस्टॉरंट मधील सिलिंडरचा स्फोट होऊन संपूर्ण रिक्षा व रीक्षातील सामान जळून खाक झाले. सदर घटना काल रात्री (दि.2) घडली.

‌‌‌‌मिळालेल्या माहितीनुसार सोमवारी रात्री शांतीनगर वास्को येथे उड्डाण पूलाखाली एका रिक्षामधील सिलिंडरचा स्फोट होऊन सदर रीक्षामधील सामान जळून खाक झाले. सदर रीक्षात फास्ट फूड तसेच इतर खाद्य विक्रीस उपलब्ध करून व्यावसाय थाटला होता.

रात्री आठ नंतर रीक्षात सगळे सामान भरून ती रिक्षा तिथेच ठेवून मालक घरी जात होता. या रिक्षात स्वयंपाक गॅस शेगडी व इतर खाद्यपदार्थही होते. रात्री 11.30 वा रिक्षामधील सिलिंडरचा स्फोट होऊन रिक्षा व त्यातील सामान जळून खाक झाले.

याची माहिती अग्निशमन दलाला मिळताच त्यांनी घटनास्थळी धाव घेऊन आग आटोक्यात आणली. ही आग कशामुळे लागली हे समजू शकले नसले तरी सिलिंडरचा स्फोट झाल्यानेच निकष काढण्यात येत आहे. वास्को पोलिस पुढील तपास करीत आहे.