सासष्टी: गणेश चतुर्थी हा हिंदू समाजाचा अगदी महत्त्वाचा सण. सध्या हा सण गोव्यात सर्वत्र साजरा होत आहे. या पार्श्वभूमीवर लोटलीत पॅरीश यूथ ऑफ लोटली व सेवियर ऑफ द वर्ल्ड यूथ असोसिएशन यांच्या सदस्यांनी फादर रिगन फर्नांडिस यांच्या समवेत गेल्या दोन दिवसात लोटलीतील अनेक हिंदू कुटुंबांना भेट देऊन त्यांना शुभेच्छा दिल्या. याबद्दल केवळ त्या भागातच नव्हे तर सर्व गोवाभर त्यांचे कौतुक होत आहे.

(Ganesh Chaturthi Festival In Goa)

लोटलीतील हिंदू बांधवांनी त्यांचे चांगले स्वागत केले. त्यांना गणपती बाप्पाच्या पुजलेल्या मूर्तीचे दर्शन घडविले. शिवाय त्यांना चतुर्थीच्या खास खाण्याचे जिन्नस उदाहरणार्थ नेवऱ्या, लाडू, पातोळ्या, पायस सारखे गोडधोड पदार्थ खायला दिले. लोटलीतील बीग फूटचे संचालक महेंद्र आल्वारीस यांच्याशी संपर्क साधला तेव्हा त्यांनी सांगितले, अशा भेटीगाठी मुळे जातीय सलोखा वृद्धिंगत होईल.

गोव्यात आताच नव्हे तर पूर्वीपासूनच हिंदू व ख्रिश्‍चन समाजामध्ये सलोखा व बंधुभाव आहे. हिंदू नाताळ किंवा इतर सणाच्या वेळी आपल्या ख्रिश्‍चन मित्रांच्या घरी जातात. तसेच चतुर्थी, दिवाळीच्या दिवसांत ख्रिश्चन लोक आपल्या हिंदू मित्रांच्या घरी जात असत व अजूनही ही परंपरा चालू आहे. मात्र आता आम्ही एकमेकाच्या घरी जातो हे सांगावे लागते. आमच्या लहानपणी आम्ही चतुर्थीच्या दोन दिवस आधीच आमच्या हिंदू शेजारी किंवा मित्रांच्या घरी जाऊन मखर रंगवणे किंवा इतर कामासाठी मदत करतात.

लोटली येथील भाजप एसटी मोर्चाचे अध्यक्ष बार्बोझा म्हणाले, चतुर्थी हा हिंदूचा सर्वांत मोठा सण. या सणामध्ये सामील होताना आम्हांला सुद्धा पुष्कळ आनंद होत आहे. गोव्यात हिंदू व ख्रिश्चन समाजामध्ये कधीही मतभेद नव्हते व नाहीत. बार्बोझा म्हणाले, चतुर्थी हा हिंदूचा सर्वांत मोठा सण. या सणामध्ये सामील होताना आम्हांला सुद्धा पुष्कळ आनंद होत आहे. गोव्यात हिंदू व ख्रिश्‍चन समाजामध्ये कधीही मतभेद नव्हते व नाहीत.