गोव्यातील लोकांसाठी केंद्रीय मंत्री नितीन गडकरी यांनी मोठी घोषणा केली आहे. गडकरींनी गोव्यासाठी तब्बल 461.46 कोटी रूपये किंमतीच्या प्रकल्पाची घोषणा केली आहे. यामुळे नागरिकांना ट्रॅफिकमधून मोठा दिलासा मिळणार आहे.

गडकरी यांनी यांनी ट्विट करून दिलेल्या माहितीनुसार, "पर्वरीत राष्ट्रीय महामार्ग 66 वर सांगोल्डा ते मॅजेस्टिक हॉटेल दरम्यान 5.15 कि.मी अंतराचा सहा पदरी उड्डाणूल उभारला जाणार आहे. यामुळे पणजीला दिशेला होणारी वाहतूक कोंडीची समस्या सुटणार आहे. शिवाय मोपा आंतरराष्ट्रीय विमानतळाकडे जाण्यासाठी देखील वेळेची बचत होईल. हा प्रकल्प पूर्ण झाल्यास गोव्यातील पर्यटनाला देखील चालना मिळेल." असे गडकरींनी म्हटले आहे.