पणजी: माजी लष्कर प्रमुख जनरल (निवृत्त) सुनिथ फ्रान्सिस रॉड्रिग्ज यांच्यावर सोमवारी 7 मार्चला संध्याकाळी 4 वाजता लष्करी इतमामाने सांतिनेझ - पणजी येथील मोक्ष या स्मशानभूमीत अंत्यसंस्कार होणार आहेत. तत्पूर्वी पर्वरी येथील होली स्पीरिट चर्च येथे दुपारी एक वाजता ‘मास’ होणार आहे. त्यांच्या या अंत्यसंस्कारासाठी विविध क्षेत्रातील महनीय व्यक्ती उपस्थित येणार असल्याने सांतिनेझ जंक्शन ते स्मशानभूमीपर्यंतच्या रस्त्याच्या डांबरीकरणाचे काम कालपासून युद्धपातळीवर सुरू आहे.

आज दुपारी 3 वा. लष्कराच्या अधिकाऱ्यांनी या स्मशानभूमीची पाहणी केली तसेच उद्याच्या या अंत्यसंस्कारासाठी तालीमही घेतली. त्यांचा जन्म मुंबईत झाला असला तरी त्यांचे आईवडजील हे मूळ गोमंतकिय होते. लष्करामध्ये माजी लष्कर प्रमुख या पदावरून निवृत्त झाल्यानंतर ते पंजाबचे राज्यपालही होते.