म्हापसा: राज्यात सध्या पर्यटन हंगाम तेजीत आहे. देश -विदेशातील पर्यटक गोव्यात दाखल झाले आहेत. मोठ्या प्रमाणावर आलेल्या पर्यटकांमुळे पर्यटक चुकामूक होण्याच्या तसेच बेपत्ता होण्याच्या घटनांमध्ये वाढ झाली आहे. कळंगुटमधील गजबजलेल्या टीटोज् लेनमधून फ्रेंच नौदल अधिकारी बेपत्ता झाल्याची घटना उघडकीस आली.

नेहमीच गर्दी होत असलेल्या टीटोज् लेनमधून फ्रेंच नौदलातील अधिकारी बेपत्ता झाल्याची घटना मंगळवारी (दि. ०७ डिसेंबर) रोजी उघडकीस आली. पर्यटनासाठी गोव्यात आलेला हा अधिकारी त्यांच्या ग्रुपमधून अचानाक बेपत्ता झाला. बेपत्ता अधिकाऱ्याने तात्काळ पर्यटक पोलिसांची मदत घेतली.

पोलिस हेड कॉन्स्टेबल सरफराज शेख आणि पोलिस कॉन्स्टेबल विक्रम गावस यांनी तात्काळ शोध मोहिम सुरु केली. पोलिसांच्या शोध मोहिमेला अखेर यश आले व माम्बो क्लब, बागा येथे बेपत्ता फ्रेंच अधिकारी व त्याच्या मित्रांची भेट झाली.पुन्हा एकत्र आलेल्या फ्रेंच अधिकाऱ्याने गोवा पोलिसांचे आभार मानले.