मायक्रोसॉफ्ट कंपनीचे कर्मचारी असल्याचे सांगून कर्ज मंजुरीच्या नावाखाली विदेशी नागरिकांची फसवणूक (Fraud) करणार्‍या पिळर्ण-बार्देश येथील बनावट कॉल सेंटरचा पर्वरी पोलिसांकडून (police) पर्दाफाश केला आहे. याप्रकरणी गुजरातमधील पाच जणांना अटक करण्यात आली आहे. बनावट कॉल सेंटरची माहिती पर्वरी (Porvorim) पोलिसांना मिळताच त्यांनी धाड टाकून पाच आरोपींना अटक केली आहे. पोलिस पुढील तपास करत आहेत.

दरम्यान, हणजुण पोलिसांनी, मोठ्या आवाजात संगीत पार्टी आयोजित करून आसपासच्या परिसरात ध्वनी प्रदूषण निर्माण केल्याबद्दल चौघांना अटक केली. यामध्ये मूळचा मुंबईचा रहिवासी असलेला हर्षित कांतारिया, तसेच वगाटोर येथील रहिवासी एलायनो परेरा आणि फरीद खान, आणि मूळचा दिल्लीचा रहिवासी करंग नारंग, यांचा यामध्ये समावेश आहे.

पोलिसांनी (Goa Police) दिलेल्या माहितीनुसार, सोमवारी सकाळी 7 वाजता त्यांना फोन आला की वागातोर येथील बीच (Goa Beach) क्लबमध्ये मोठ्या आवाजात म्युझिक पार्टी सुरू असल्याची तक्रार मिळाली होती. डीवायएसपी उदय परब यांच्या नेतृत्वाखालील पोलिसांचे पथक तातडीने घटनास्थळी दाखल झाले आणि आरोपीला अटक केली. दरम्यान पोलिसांनी वाद्यांसह साहित्यही जप्त केले.