Job Scam Suspect Pooja Naik's Assets Further Confiscated

फोंडा: नोकऱ्या देण्याच्या बहाण्याने प्रियोळ येथील गुरुदास गावडे यांना गंडा घातल्‍याच्‍या प्रकरणात म्हार्दोळ पोलिसांनी अटक केलेल्या श्रावणी ऊर्फ पूजा नाईक हिच्या ताब्‍यातील आणखी चार कारगाड्या आज गुरुवारी जप्त करण्‍यात आल्‍या.

मंगळवारी २२ रोजी एक कार ताब्यात घेतल्यानंतर पोलिसांनी कारवाईला वेग दिला आहे. या प्रकरणात पूजासोबत पिसगाळ-प्रियोळ येथील अजित सतरकर (४९) याला म्हार्दोळ पोलिसांनी अटक केली आहे. संशयित अजित हा पूजाचा एजंट म्हणून काम करत होता.

विशेष म्हणजे आतापर्यंत ताब्यात घेतलेल्या पाचपैकी चार कारगाड्या महागड्या असून नव्या कोऱ्या आहेत. पूजा नाईक हिने राज्यात इतर ठिकाणी असेच फसवण्याचे प्रकार करून अनेकांना गंडा घातला आहे.