पणजी: मागच्या काही दिवसांत हे वादळ किनारपट्टीवर धडकल्यानंतर देशाच्या अनेक राज्यांत मोठं नुकसान झाले असल्याचे पाहायला मिळाले होते. अरबी समुद्रात (arabian Sea) निर्माण झालेल्या कमी दाबाच्या पट्ट्यामुळे हे वादळ (Cyclone) निर्माण झाले होते. गोव्यात (Goa) देखील या वादळामुळे मोठे नुकसान झाले आहे. मुख्यमंत्री(Chief Minister) डॉ. प्रमोद सावंत (Pramod Sawant) यांनी या परिस्थितीचा आढावा घेऊन मदतीचे  आश्वासन दिले आहे. 

Cyclone Tauktae Impact: ‘तौक्ते’ वादळामुळे गोव्यात 40 कोटींचे नुकसान 

तौक्ते चक्रीवादळाच्या तडाख्यात मृत्युमुखी पडलेल्यांच्या कुटुंबियांना प्रत्येकी 4 लाख रुपये आर्थिक साहाय्याची मुख्यमंत्र्यांनी घोषणा केली आहे. हणजूण येथे महिलेच्‍या डोक्यावर माड पडून ठार झालेल्या शीतल महादेव पाटील यांच्या मातोश्री मालू पाटील यांना आर्थिक मदतीचा धनादेश अधिकाऱ्यांनी सुपूर्द केला. राज्यात तिघांचा मृत्यू झाला होता त्यापैकी त्या एक आहेत. इतर दोघांच्या कुटुंबियांनाही ही मदत दिली जाणार आहे.