Goa Land Grabbing: राज्यातील जमिन हडपप्रकरणाती एसआयटीने कारवाई तीव्र केली आहे. याच कारवाईच्या क्रमात आज एसआयटीने आसगाव येथील भुखंड घोटाळ्याप्रकरणी माजी उपनिबंधक प्रेमानंद देसाई याला अटक केली आहे.

प्रेमानंद देसाई हे पणसुले, काणकोण येथे उपनिबंधक म्हणून कार्यरत होते. आसगाव येथील जमिन हडपल्याचा आरोपावरून एसआयटीच्या पथकाने त्यांच्यावर अटकेची कारवाई केली आहे. कोट्यवधीची जमिन हपडल्याप्रकरणी ही कारवाई करण्यात आली आहे. बार्देश येथील कोट्यवधीची जमिनीच्या कागदपत्रांमध्ये फेरफार केल्याचा आरोप देसाई याच्यावर आहे.

दरम्यान, यापुर्वीही बार्देशचा मामलेदार राहुल देसाई याला पोलिसांनी अटक केली होती. राहुल देसाईविरोधात एकापेक्षा अधिक गुन्हे दाखल आहेत. पोलिसांनी त्याची वारंवार चौकशी केली होती. तसेच त्याच्या चालकालाही ताब्यता घेतले होते. दरम्यान, राहुल देसाईवर अटकेच्या कारवाईनंतर त्याचे निलंबनही झाले आहे. एसआयटीकडून जमिन हडप प्रकरणात वेगाने तपास केला जात आहे.