हळदोणा मतदारसंघातील, सेगुणवाडा-खोर्जुवे येथे रोझारियो कुटुंबीयांच्या घरासमोरील शेडमध्ये पार्क मारुती अल्टो कार, स्कूटर व दोन सायकलना मंगळवारी पहाटेच्या सुमारास भीषण आग लागली. यात आगीत दोनही वाहने जळाली. या दीड लाखांचे नुकसान झाले आहे.

आमदार अ‍ॅड. कार्लुस फेरेरा यांनी घटनास्थळी भेट दिली. घटना (ता.२१) पहाटे ३ च्या सुमारास घडली. सदर आग अचानक लागली नसून जाणीवपूर्वक लावली असल्याचे मत स्थानिकांनी व्यक्त केले आहे.

येथील वाड्यावर एक मनोरुग्ण महिला असून तिनेच ही आग लावल्याचे बोलले जात आहे. हा प्रकार सीसीटीव्हीत कैद झाला असून त्या मनोरुग्ण महिलेला बांबोळी येथील आयपीएचबीमध्ये दाखल केले. म्हापसा पोलिसांनी पंचनामा केला असून पुढील तपास सुरू आहे.