Cars Gutted In Fire झुआरीनगर येथील बिर्ला पोलिस चौकीबाहेर उभ्या असलेल्या 4 चारचाकी गाड्या जळून खाक झाल्या. ही घटना दुपारी 12 वाजताच्या सुमारास घडली. या घटनेत 20 लाखांहून अधिक नुकसान झाल्याचा अंदाज व्यक्त केला जात आहे.

वास्को अग्निशमन विभागाच्या अधिकाऱ्यांनी दिलेल्या माहितीनुसार, कोरड्या गवताला आग लागल्यामुळे तेथे पार्क केलेल्या 4 चारचाकी पेटल्या. या 4 चारचाकी वाहनांपैकी 1 टॅक्सीही या दुर्घटनेत जळून खाक झाली.

वास्को अग्निशमन केंद्र, वेर्णा अग्निशमन केंद्र आणि झुआरी कंपनीच्या अग्निशमन दलाने घटनास्थळी धाव घेत आग आटोक्यात आणली. राज्यात वाहने, घरे आणि जंगलाल आग लागण्याच्या घटना वाढत आहेत. तीन चार दिवसांपासून राज्यात आगीचे सत्र सुरु असल्यामुळे याबाबत नागरिकांमधून चिंता व्यक्त होत आहे.