Fire In Goa: काणकोणात गावडोंगरी,खोतीगाव डोंगरमाथ्यानंतर श्रीस्थळ पंचायत क्षेत्रातील चापोली डोंगर माथ्यावर आज आगीचा वणवा भडकला. या ठिकाणी अग्नीशामक दलाचा बंब पोचू शकत नाही. मात्र वनखात्याचे कर्मचारी रात्री आग आटोक्यात आणण्याच्या कार्यात गुंतले आहेत.

ही आग लागल्याचे रात्री उशिरा स्थानिकांच्या नजरेस आल्यानंतर श्रीस्थळ जैव विविधता समितीच्या पदाधिकाऱ्यांनी वनखात्याशी संपर्क साधला.

बांबूंच्या वाळलेल्या बेटांना आग लागून हा वणवा इतरत्र पसरल्याचे वनखात्याचे म्हणणे आहे. मात्र वाळलेल्या बांबूच्या बेटांना आग कुणी लावली हा प्रश्न गुलदस्त्यात आहे.