Goa Fire News: गोव्यात पुन्हा नव्या आगीच्या घटना समोर येत आहेत. नुकत्याच मिळालेल्या माहितीनुसार नेसाय इथे असलेल्या सॉ मिल जवळील लाकडाच्या ढिगाऱ्याला आग लागली आहे.

ही माहिती मिळताच अग्निशमन दलाचे जवान घटनास्थळी दाखल झाले असून आग त्यांनी आग विझवण्याचे शर्तीचे प्रयत्न सुरू केले.

या आगीत आतापर्यंत लाखों रुपयांची लाकडे जळून खाक झाली असल्याचे सांगण्यात येत आहे. ही आग कुणीतरी जाणीवपूर्वक लावली असल्याचा अंदाज वर्तवण्यात येत आहे. मात्र अद्याप याबाबत कोणतीही ठोस माहिती मिळाली नाही.

दरम्यान, काल देखील अशीच एक घटना समोर आली होती. हळदोणा मतदारसंघातील, सेगुणवाडा-खोर्जुवे येथे रोझारियो कुटुंबीयांच्या घरासमोरील शेडमध्ये पार्क मारुती अल्टो कार, स्कूटर व दोन सायकलना मंगळवारी पहाटेच्या सुमारास भीषण आग लागली. यात आगीत दोनही वाहने जळाली. यात दीड लाखांचे नुकसान झाले आहे.