Edberg Pereira Assault Case: मडगाव पोलीस कोठडीत कथित मारहाण प्रकरणी पीएसआय निलेश वळवईकरांवर एफआयआर (FIR) दाखल करण्यात आला. या घटनेत गंभीर जखमी झालेला एडबर्ग परेरा सध्या रुग्णालयात उपचार घेत आहे. या प्रकरणाचे गांभीर्य लक्षात घेता पीएसआय वळवईकर यांच्यावर ही कायदेशीर कारवाई करण्यात आली. वळवईकरांवर खुनाचा प्रयत्न केल्याप्रकरणी गुन्हा नोंद करण्याची मागणी केली जात होती.
पीएसआय निलेश वळवईकर यांच्याविरुद्ध संबंधित कायद्याच्या कलम 115(2) आणि 198 नुसार एफआयआर दाखल करण्यात आला. या घटनेनंतर तात्काळ वळवईकरांवर निलंबनाची (Suspension) कारवाई करण्यात आली होती. या प्रकरणाचा सखोल तपास सुरु आहे.
एडबर्ग परेरा याला गोंधळ घालत असल्याच्या आरोपाखाली नावेली, रोझरी कॉलेजजवळून ताब्यात घेऊन पोलीस स्टेशनमध्ये आणण्यात आले होते. पोलीस स्टेशनमध्ये पीएसआय वळवईकर यांच्याशी वाद झाल्यानंतर एडबर्ग खाली पडून गंभीर जखमी झाला. मात्र, विरोधकांनी हा पोलिसांकडून करण्यात आलेला मारहाणीचा प्रकार असल्याचे म्हटले. पोलीस कोठडीत नागरिक जखमी झाल्यामुळे पोलीस प्रशासनावर टीकेची जोरदार सरबत्ती सुरु असतानाच एफआयआर दाखल करुन पारदर्शक तपासणीची प्रक्रिया सुरु करण्यात आली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.