जुने गोवा (Old Goa) मध्ये मागील चार दिवसांपासून आमरण उपोषण करीत असलेले आपचे (AAP) नेते ॲड.अमित पालेकर (Amit Palekar) यांनी आज अखेर उपोषण सोडले आहे. दरम्यान, आपचे (AAP) नेते ॲड.अमित यांना वैद्यकीय तपासणीसाठी दवाखान्यात दाखल करण्यात आले होते. यावेळी त्यांचा रक्तदाब वाढल्याचे त्याचबरोबर ऑक्सीजनची पातळीदेखील खालावल्याचे डॉक्टरांनी सांगितले होते. सरकारकडून केवळ घोडे नाचविले जात असून या सरकारला कुणाच्याही जीवाची पर्वा नाही, असा आरोप होऊ लागला होता.

जुने गोवा येथील जागतिक वारसास्थळ असणाऱ्या कॅजीटन चर्चच्या परिसरामधील अवैध बांधकाम पाडण्यात यावे, यासाठी मागील नऊ दिवसांपासून साखली आंदोलन सुरु होते. याच दरम्यान मागील पाच दिवसांपासून आप नेते अमित पालेकर यांनी उपोषण सुरु केले होते. दोन दिवसांपासून पाऊस असतानाही त्यांनी आंदोलन मागे घेतलेले नाही.