Fine for Filming in Goa

गोव्यात मराठी-हिंदी सिनेसृष्टीतील अनेक चित्रपटांचे चित्रीकरण नेहमीच गोव्यात होत असते. मात्र जर गोवा सरकारच्या परवानगीशिवाय तुम्ही जर चित्रीकरण करत असाल तर तुम्हाला दंड भरावा लागू शकतो. सरकारच्या परवानगीशिवाय गोव्यातील कोणत्याही राज्य-संरक्षित स्मारक किंवा हेरिटेज साईटवर चित्रीकरण केल्यास 50,000 रुपये दंड भरावा लागेल.

आवश्यक परवानग्या न घेता आणि शुल्क न भरता राज्य सरकारच्या मालकीच्या कोणत्याही संरक्षित स्मारकावर किंवा जागेवर चित्रपट करणाऱ्यांना गोवा सरकारने 50,000 रुपये दंड आकारण्याचा प्रस्ताव दिला आहे. तसेच इतर संरक्षित स्मारकांवर चित्रीकरण केल्यास 20,000 रुपये दंड प्रस्तावित करण्यात आला आहे.

8 फेब्रुवारी रोजी अधिकृत राजपत्रात प्रसिद्ध झालेल्या मसुद्याच्या अधिसूचनेनुसार, पुरातत्व विभागाने गोवा प्राचीन स्मारके, पुरातत्व स्थळे आणि अवशेष नियम 1980 मध्ये सुधारणा करण्याचा प्रस्ताव दिला. सरकारने सुधारित मसुदा नियमांवर 30 च्या आत विचार करण्यासाठी हरकती आणि सूचना मागवल्या आहेत.

सदर मसुदा अधिसूचनेनुसार, दिलेल्या कोणत्याही परवानगीचे किंवा परवान्याचे उल्लंघन करून कोणत्याही संरक्षित स्मारकाची कॉपी किंवा चित्रित केल्यास दंड भरावा लागणार आहे.