Film City to be set up in Goa: हैदराबादमधील रामोजी फिल्म सिटीसारखी फिल्मसिटी गोव्यात स्थापन करणार अशी घोषणा राज्याचे मुख्यमंत्री प्रमोद सावंत यांनी केली आहे. गोव्यात फिल्मसिटी स्थापन करण्यासाठी राज्य सरकारने प्रक्रिया सुरू केली आहे.

हैदराबादमधील रामोजी फिल्म सिटीसारखेच असेल परंतु ती आकाराने लहान असेल. अशी माहिती मुख्यमंत्री प्रमोद सावंत यांनी त्यांच्याच साखळी मतदारसंघात दिली.

शासनाच्या वतीने आयोजित 5 दिवसीय फिल्म मेकिंग कार्यशाळेचे उद्घाटनप्रसंगी मुख्यमंत्री सावंत बोलत होते. यावेळी सावंत यांनी राज्यात फिल्मसिटी स्थानपनेचे काम सुरू असल्याचे सांगितले. तसेच, दक्षिण गोव्यातील मडगाव येथे बालचित्रपट महोत्सव आयोजित केला जाणार असल्याचे त्यांनी सांगितले.

भारतीय आंतरराष्ट्रीय चित्रपट महोत्सवापूर्वी 20 ते 28 नोव्हेंबर 2023 या कालावधीत मडगावात बालचित्रपट महोत्सव आयोजित केला जाईल. असे सावंत यांनी सांगितले.

युपीतही योगींचा फिल्मसिटीसाठी प्रयत्न

उत्तर प्रदेशचे मुख्यमंत्री योगी आदित्यनाथ देखील त्यांच्या राज्यात फिल्मसिटी उभारण्यासाठी प्रयत्न करत आहेत. मागील काही महिन्यांपूर्वी योगींनी बॉलिवूड दिग्गज कलाकारांच्या भेटीगाठी घेतल्यानंतर कलाकार, दिग्दर्शक आणि निर्माते यांच्यासोबत बैठक घेतली होती. राज्यात फिल्मसिटी उभारण्यासाठी योगींचे जोरदार प्रयत्न सुरू आहेत.

दरम्यान, आता गोव्यात देखील फिल्मसिटी उभारण्यासाठी प्रयत्न करत असल्याचे सावंत म्हणाले आहेत. यामुळे राज्यातील पर्यटनात वाढ होईल अशी अपेक्षा आहे शिवाय येथील निसर्गरम्य परिसर चित्रपटाच्या माध्यमातून रूपेरी पडद्यावर झळकेल.