कळंगुट: येथील हॉटेल कळंगुट टॉवर जवळील दुकानांमध्ये आज (मंगळवार) सकाळी भीषण आग लागली. यामध्ये चार दुकाने आगीत खाक झाल्याची माहिती समोर येत आहे. आगीचे मुख्य कारण अद्याप समजलेले नाही. अग्निशमन दल (Fire brigade) घटनास्थळी पोहचले आहे. आग विजवण्याचे काम सुरू आहे. (Goa Latest News)

दरम्यान, वेर्णा येथे काही दिवसांपूर्वी आग लागली होती. सुक्या गवताला लागलेल्या आगीमुळे इंडियन ऑइल अदानी गॅस पाईपलाईनने पेट घेतला. अग्निशमन दलाच्या जवानांनी घटनास्थळी येऊन आग आटोक्यात आणल्याने मोठा अनर्थ टळला. ही घटना 30 जानेवारीला दुपारी 12 च्या दरम्यान घडली. मिळालेल्या माहितीनुसार दुपारी वेर्णा येथे राष्ट्रीय महामार्गावर (National Highway) वेर्णा ते दाबोळी मार्गावर एका ठिकाणी सुक्या गवताला आग लागली होती. दुपारची वेळ असल्याने आगीने अधिकच पेट घेतला. दरम्यान याविषयी वेर्णा अग्निशमन दलाला माहिती मिळताच, अग्निशमन दलाचे जवान बंबसहित घटनास्थळी दाखल झाले व आग आटोक्यात आणण्यास सुरुवात केली.

नववर्षाच्या पहाटे कळंगुटमध्ये दुकानांना आग (Fire) लागण्याची घटना घडली. यामध्ये कपड्यांची चौदा दुकाने जाळून खाक झाली होती. या आगीत अंदाजे पन्नास लाख रुपयांचे नुकसान झाले, अशी माहिती समोर आली होती.