बोरी : बोरी येथील श्री नवदुर्गा मंदिरात नवमी उत्सव बुधवार 8 रोजी विविध भरगच्च कार्यक्रमानिशी साजरा होणार आहे. यानिमित्त सकाळी श्री नवदुर्गा, श्री कमळेश्‍वर, श्री ग्रामपुरुष आदी पंचिष्ट दैवतांना अभिषेक, पूजा व अन्य धार्मिक विधी दुपारी आरती व सर्व भाविकांना महाप्रसाद वाढला जाणार आहे.

सायंकाळी स्थानिक भजनी कलाकारांचा भजनाचा कार्यक्रम, महाआरती, पुराणवाचन, व सुवासिक फुलांनी सजवलेल्या पालखीत श्रींची मूर्ती अधिष्ठीत करून मंगलवाद्याच्या तालात श्रींची पालखी मिरवणूक होईल. त्यानंतर देवीचे स्तोत्रपठन, गाऱ्हाणे व प्रसाद होईल.