जुने गोवे: महिलांविरुद्ध लैंगिक अत्याचारांचे प्रकार दिवसेंदिवस वाढत आहेत. ओल्ड गोवा पोलिसांनी शनिवारी (दि. 9 नोव्हेंबर) रोजी एका फेरीबोट कर्मचाऱ्याला 14 वर्षीय मुलीवर लैंगिक अत्याचार केल्याप्रकरणी तसेच तिच्यावर मोबाईल नंबर देण्यासाठी जबरदस्ती केल्याप्रकरणी अटक केली आहे.

पीडित मुलीच्या आईने पोलीस ठाण्यात दाखल केलेल्या तक्रारीनुसार सुदेश नावाचा एका फेरीबोट कर्मचारी पीडितेचा पाठलाग करत होता आणि तिला मोबाईल नंबर देण्याची जबरदस्ती करत होता.

पीडिता फेरीबोटीने जात असताना त्याने मुलीचा हात पकडला, तसेच तिचे चुंबन घेण्याचा प्रयत्न केला. गवंडाळी फेरीमधून पीडिता परत येत असताना सुदेशने पुन्हा तिचा पाठलाग करत तिच्यावर मोबाईल नंबर देण्यासाठी जबरदस्ती केली.

गोवा पोलिसांकडून यापूर्वी देखील बिहारमधील 29 वर्षीय बांधकाम कामगाराला चार वर्षांच्या अल्पवयीन मुलीचा बलात्कार केल्याप्रकरणी अटक केली होती.

ही मुलगी युरोपमधील असून 2016 पासून तिच्या कुटुंबाचे भारतात वास्तव्यासाठी आले होते. या घटनेनंतर संशयित आरोपीच्या नावे POCSO आणि गोव्यातील कायद्यानुसार गुन्हा नोंदवण्यात आला आणि त्याला अटक करण्यात आली.