घरगुती सिलिंडरमधून गॅस गळती झाल्यामुळे रविवारी पहाटे मांगोर हिल, वास्को येथे झालेल्या दुर्घटनेत एका व्यक्तीचा मृत्यू झाला, तर इतर तिघेजण अत्यवस्थ असून त्यांच्यावर गोमेकॉ इस्पितळात उपचार सुरू आहेत.
मिळालेल्या माहितीनुसार, अनिल बिंद, (वय 19 वर्षे), अमन यादव (वय 22 वर्षे), धरमवीर बिंद (वय 21 वर्षे) आणि संजय बिंद (वय 21 वर्षे) हे सर्व उत्तर प्रदेश येथील रहिवासी रझाई केवट यांच्या मालकीच्या मांगोर हिल येथील भाड्याच्या खोलीत राहात होते.
कामानिमित्त गोव्यात आलेले सर्व तरुणांनी फकीर गल्ली परिसरात दोन खोल्या भाड्याने घेतल्या होत्या. सकाळी त्यांना त्यांच्या शेजारी दुसऱ्या खोलीत राहात असलेल्या त्यांच्या मित्रांनी उठविण्याचा प्रयत्न केला असता त्यांना कोणताही प्रतिसाद मिळाला नाही.
चौघेजण शनिवारी रात्री या खोलीत झोपले. मात्र, रात्री अचानक त्यांच्या घरगुती गॅस सिलिंडरमधून गळती झाली आणि चौघेही बेशुद्ध पडले.
पोलिसांनी ज्यावेळी खोलीत प्रवेश केला, त्यावेळी चौघेही अत्यवस्थ अवस्थेत पडलेले आढळले. त्यातील एकाचा मृत्यू झाला असून एकाच्या तोंडातून रक्त येत असल्याने त्याची प्रकृती चिंताजनक आहे. अन्य दोघांची प्रकृती सुधारत असल्याची माहिती पोलिसांनी दिली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.