मडगाव: फातोर्ड्यातील एका बिल्डरला धमकी देऊन दोन कोटींची खंडणी मागितल्याप्रकरणी फातोर्डा पोलिसांनी अटक केलेल्या खंडणीखोर वॉल्टर फर्नांडिस  व त्याच्या अन्य तीन साथीदारांच्या पोलिस कोठडीत वाढ करण्यात आली आहे.

संशयितांच्या पोलिस रिमांडची  मुदत संपल्यानंतर शुक्रवारी त्यांना पुन्हा न्यायालयात उभे केले असता, तीन दिवसांची अतिरिक्त पोलिस कोठडी सुनावण्यात आली. 

वॉल्टरसह  रोहित (काटू ) फळदेसाई, तिरुपती वरकुरी व विनोदकुमार थोतड  अशी या संशयितांची नावे आहेत. श्रीनिवास थोरवत हे तक्रारदार आहेत. त्याला संशयितांनी घोगळ येथील एका कॅफेमधील बोलावून वॉल्टरच्या नावाची धमकी देऊन दोन कोटींची खडंणीची मागणी केली होती.

मागाहून  या प्रकरणी थोरवत  यांनी पोलिसात तक्रार केल्यानंतर संशयितांना अटक केली होती. वॉल्टर याच्याकडून  पोलिसांनी एक पिस्तूल आणि गोळ्याही जप्त केल्या होत्या.