तळपणवाडा : लग्नासाठी सोयरिक जुळवत नाही म्हणून चिडलेल्या मुलाने वडिलांशी भांडण उकरून काढले. त्यानंतर वडिलांना मारहाण केली. त्यात वडिलाचा दुर्दैवी मृत्यू झाल्याची घटना तळपणवाडा - शिरोडा येथे आज बुधवारी घडली. फोंडा पोलिसांनी या प्रकरणी खुनाचा गुन्हा दाखल केला असून संशयिताला पोलिसांनी अटक केली आहे. (Father dies after being beaten by son)

याबाबत फोंडा पोलिसांकडून (Fonda police) मिळालेली माहिती अशी की, तळपणवाडा - शिरोडा येथील राजेश गणेश गावकर याचे लग्नासाठी सोयरिक जुळवत नव्हते. यामुळे सतत चिडलेला असायचा. राजेश याने वडील (Father) गणेश राघोबा गावकर याच्याशी लग्नावरून (married) भांडण उकरून काढले. त्यानंतर शब्दास शब्दास वाढल्यानंतर राजेश याने जवळच असलेली लोखंडी पहारीने वडिलांच्या डोक्यात हाणली. एवढ्याने समाधान न झालेल्या गणेशने हाताला सापडलेला जमिनीच्या टाईल्सचा तुकडा वडिलांच्या डोक्यावर मारला. यामुळे गणेश गावकर रक्तबंबाळ होऊन खाली कोसळले.

त्यानंतर त्यांना सुरवातीला मडगाव हॉस्पिसियो इस्पितळ (Madgaon Hospice Hospital) व नंतर बांबोळी इस्पितळात (Bamboli Hospital) पुढील उपचारासाठी दाखल केले. पण तेथे गणेश गावकर यांचे संध्याकाळी निधन झाले. याप्रकरणी फोंडा पोलिसांनी (Fonda police) खुनाचा (murder) गुन्हा दाखल केला असून संशयिताला अटक केली आहे. याप्रकरणी पोलिस अधिक तपास करीत आहे.