Parra Fatal Accident: राज्यात अपघातांची मालिका काही केल्या थांबण्याचे नावच घेत नाही. सध्या गोव्यातील वाढते अपघात हे चिंतेचे कारण बनले आहे. आज पर्रा - साळगाव रस्त्यावर झालेल्या स्वयंअपघातात एका तरुणाचा जागीच मृत्यू झाला आहे.

आज (20 सप्टेंबर) पर्रा - साळगाव रोडवर एका दुचाकीस्वाराचे गाडीवरील नियंत्रण सुटले आणि गाडी रस्त्यालगतच्या गटारात जाऊन कोसळली. यामध्ये दुचाकीस्वाराचा जागीच मृत्यू झाला. ताहिर खान (28, खोर्ली, म्हापसा) असे त्याचे नाव आहे. आज सकाळी 5 वाजता हा अपघात घडला आहे.

ताहिर सांगोल्डामध्ये कामाला असून तो सकाळी घरी परतत असताना ही घटना घडली. डोळा लागल्याने गाडीवरील नियंत्रण सुटून तो रस्त्याबाजूला असलेल्या गटारात पडला असावा असा अंदाज व्यक्त केला जात आहे.

दरम्यान, वाढते अपघात आणि त्यात होणारे मृत्यू यामुळे सर्वत्र हळहळ व्यक्त होत आहे.