गोव्यातील रस्ते अपघातात दिवसेंदिवस वाढ होत आहे. वाहतूक पोलीस विभाग, गोवा पोलीस आणि सरकार सतर्क असूनही गोव्यातील रस्ते अपघातांचे प्रमाण दिवसेंदिवस वाढत चालले आहे. वाहतूक नियमांचे उल्लंघन केल्याप्रकरणी पोलीस वाहनचालकांवर कारवाईत करत दंड वसूल करत आहेत. खांडेपार येथे शनिवारी सकाळी भीषण अपघात घडल्याचे वृत्त हाती आले आहे.
मिळालेल्या माहितीनुसार, खांडेपार उड्डाणपुलाच्या सकाळी ८ च्या सुमारास खाली दूध व्हॅन टेम्पो आणि मारुती व्हॅनमध्ये अपघात झाला. या अपघातात एक महिला जखमी झाली असून तिला फोंडा येथील खासगी रुग्णालयात हलविण्यात आले असल्याची माहिती देखील मिळाली आहे.
राज्यातील रस्ता अपघातांचे प्रमाण कमी करण्यासाठी वाहतूक खात्यामार्फत सर्व रस्त्यांवर सीसीटीव्ही कॅमेरे बसवण्यात आले आहे. त्यामुळे नियमांचे उल्लंघन करणाऱ्या चालकांना लगाम बसत आहे. वेगमर्यादा, नियमांचे उल्लंघन करणाऱ्या वाहनांचे क्रमांक सीसीटीव्हीत टिपून पोलिस व वाहतूक अधिकाऱ्यांकडून कारवाई केली जात आहे. तरीही रस्ते अपघातांचे प्रमाण वाढतच चालले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.