डिचोली: वादळी पावसाच्या तडाख्यामुळे आज डिचोलीत विविध भागात झाडांची पडझड झाली. दिवसभरात सहा घरांवर मिळून तेरा ठिकाणी झाडे कोसळली. या पडझडीत जीवितहानी नसली, तरी लाखोंच्या मालमत्तेचे नुकसान झाले.
साखळी येथे ‘श्रेया गार्डन’या आस्थापनावर पिंपळाचे झाड कोसळले. कुडणे येथे कॅनरा बँकेजवळ एका घरावर तर वरचे हरवळे येथे एका घरावर माड कोसळला. कोठीवाडा-कारापूर येथे दोन ठिकाणी दोन घरांवर तर भटवाडी-उसप येथे एका घरावर झाड पडले. यात घरांची मोठी हानी झाली.
आयडीसी,जोगीवाडा-डिचोली तसेच अडवलपाल, लाखेरे-वन, भटवाडी-नानोडा धुमासे तसेच डिचोली अग्निशमन दलाच्या कार्यक्षेत्रात होंडा येथे रस्त्यावर झाड कोसळले. घरांसह वीज खात्याचे मिळून ३ लाखांचे नुकसान झाले. अग्निशमनचे अधिकारी राहुल देसाई यांच्यासह उपअधिकारी शिवाजी नाईक, साईनाथ केसरकर, उदय मांद्रेकर, प्रल्हाद देसाई यांच्या नेतृत्वाखाली जवान मदतकार्यात होते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.