गुळेली सत्तरीतील पाच दिवसांच्या गणपतीचे विसर्जन गुळेली येथील रगाडा, म्हादयी नदीत करण्यात आले. पाचही दिवस मोठ्या उत्साहाने भक्तांनी/ ग्रामस्थांनी आरती,भजन व फुगड्या सादर करुन उत्साहात गणेश चतुर्थी साजरी केली. दिंडी मिरवणूक व्दारे भक्तीमय वातावरणात गणपतींना निरोप देण्यात आला.

यंदा नव्यानेच गुळेली ग्रामपंचायतीने गणपती विसर्जन स्थळ पायऱ्या बांधल्या होत्या त्याचा चांगला फायदा या भागातील लोकांना विसर्जन करण्यासाठी झाला.याकामी माजी पंच अनिल गावडे यांनी विशेष परिश्रम घेतले.येथील सावंत बंधूनी जमिन उपलब्ध करून दिल्यामुळे हे काम पूर्ण होऊ शकले आणि त्याचा फायदा या गणेशचतुर्थीला ग्रामस्थांना झाला याचा आनंद आपल्याला आहे असे ते यावेळी म्हणाले. आरोग्यमंत्री विश्वजित राणे यांच्या हस्ते याचे लोकार्पण काही दिवसांपूर्वी झाले होते. मोठ्या उत्साहाने व भक्तांच्या मोठ्या उपस्थितीत विसर्जन पार पाडले.

गणपतींचे विसर्जन दरम्यान दिंडी सादर करणाऱ्या गुळेलीतील महिला व पुरुष मंडळी