मडगाव: फा. फ्रेडी दा कॉस्ता स्मृती ट्रस्टतर्फे देण्यात येणारे 2021 सालासाठीचे गुलाब पुरस्कार जाहीर करण्यात आले असून प्रसिद्ध कोकणी लेखिका जयंती नाईक, पत्रकार फा. एवसेबियो गोम्स आणि तियात्र कलाकार अँथनी सॅन यांना हे पुरस्कार दिले जाणार आहेत.

(Fa. Announcing the Gulab Award presented by the Freddie da Costa Memorial Trust)

प्रसिध्द लोकवेध संशोधिका आणि कथाकार असलेल्या जयंती नाईक यांना 'गुलाब व्यक्तिमत्त्व' पुरस्कार, स्तंभ लेखक आणि वावराड्यांचो इष्ट या पत्राचे माजी संपादक फा. एवसेबियो गोम्स 'गुलाब साहित्यिक' पुरस्कार तर प्रसिद्ध तियांत्रिस्त अँथनी सॅन यांना 'गुलाब तियांत्रिस्त' पुरस्कार जाहीर करण्यात आला आहे.

गुलाब मासिकाचे संस्थापक संपादक फा. फ्रेडी दा कॉस्ता यांच्या 20 जुलै या जयंतीदिनी आयोजित केल्या जाणाऱ्या एका खास कार्यक्रमात हे पुरस्कार दिले जाणार असल्याचे आयोजकांनी कळविले आहे.