काणकोण: अबकारी खात्याच्या काणकोण अधिकाऱ्यानी काराशिरामळ आगोंद येथील एका येथील घाऊक दारू दुकानातून 2 लाख 4 हजार रूपयांचा अवैद्य मद्यार्क जप्त केला. अबकारी खात्याच्या काणकोण (Canacona) अबकारी अधिक्षक चंद्रनाथ देसाई (Chandranath Desai) यांच्या मार्गदर्शनाखाली अधिकाऱ्यानी काराशिरामळ आगोंद येथील एका येथील घाऊक दारू दुकानावर छापा टाकून 2 लाख 4 हजार रूपयांची 783 लिटर्स परदेशी बनावटीचा अवैद्य मद्यार्क जप्त केला.आज रात्री अबकारी खात्याच्या अधिकाऱ्यांनी ही कारवाई केली.या कारवाईत अबकारी कार्यालयाचे आशिष गावकर,आनंद वेळीप, विनोद नाईक,आशिष गावकर,दत्ता गावकर यांचा सहभाग होता. (Excise Department Seizes Illegal liquor Worth Rs 2 lakh 4 Thousand)

दरम्यान, दोन दिवसांपूर्वी अबकारी खात्याच्या काणकोण अधिकाऱ्यानी गुळे येथील एका दुकानावर छापा टाकून 3 लाख 77 हजार रुपयाचा अवैध दारु जप्त केला.एका किरकोळ दारू विक्री दुकानातून हा अवैध परदेशी बनावटीची दारू जप्त करण्यात आली असे अबकारी खात्याचे अधिकारी शेखर देसाई यांनी सांगितले.हा अवैध मद्यार्क अबकारी खात्याने पंचनामा करून ताब्यात घेतला असल्याचे देसाई यांनी सांगितले.