Environmental Clearances Goa Mining

पणजी: कुडणे करमले, कुडणे आणि थिवी पीर्ण खाणपट्ट्यांसाठी पर्यावरण दाखले मिळण्याचा मार्ग मोकळा झाला आहे. हे‌ खाणपट्टे ई-लिलावात जिंकलेल्या कंपन्यांनी पर्यावरण दाखल्यांसाठी राज्य पर्यावरण आघात मूल्यांकन समितीसमोर केलेले अर्ज मंजूर करण्यात आले आहेत.

गोव्याच्या खाण क्षेत्रासाठी मोठी चालना देणारी अशी‌‌ ही घडामोड आहे. कुडणे करमले‌ खाणपट्टा वेदान्ताने मिळवला‌ असून वार्षिक ०.५ दशलक्ष टन खनिज उत्पादनाची क्षमता आहे. या खाणीचे क्षेत्र ३८४.३१ हेक्टर आहे. थिवी पीर्ण खाणपट्टा साळगावकर शिपिंगला‌ मिळाला आहे. वार्षिक ३३ हजार टन खनिज उत्पादन अपेक्षित आहे. या खाणीचे एकूण क्षेत्र ८ हेक्टर आहे. तिसरा खाणपट्टा जेएसडब्ल्यू स्टीलला मिळाला आहे.

पर्यावरण दाखले मिळाल्यावर खाणपट्टाधारक कंपन्यांना संबंधित सर्व कायदेशीर परवानग्या आणि मंजुरी घ्यावी लागतील. पर्यावरणीय परिणाम अधिसूचनेच्या नियमांचे कठोर पालन करणे बंधनकारक आहे. पर्यावरणीय संवेदनशील क्षेत्रांचे संरक्षण करणे आवश्यक आहे.

पर्यावरण आघात मूल्यांकन समितीने स्पष्ट केले आहे की, सर्व प्रक्रिया पूर्ण केल्यानंतरच अंतिम मंजुरी दिली जाईल.