कळंगुट: राज्यात पार पडलेल्या पंचायत निवडणुकीसाठी बार्दैशातील इतर गावांप्रमाणेच शिवोली तसेच कळंगुट पंचायतींच्या विविध प्रभागांसाठी उत्स्फूर्त मतदान झाल्याची माहिती मिळाली असून अनेक माजी सरपंच तसेच पंच सदस्यांनी आपणच पुन्हां निवडून येणार असल्याचा आशावाद व्यक्त केला आहे.

(Enthusiastic voting in siolim and calangut)

दरम्यान, कळंगुट पंचायतीतच्या सावतांवाडा येथील प्रभाग क्रमांक 9 मधील मतदान छपाईत आढळलेल्या महत्वाच्या चुकांमुळे स्थगित ठेवण्यात आले परंतु येथील प्रभागात गुरुवारी सकाळी पुन्हां मतदान घेण्याचा निर्णय राज्य निवडणूक आयोगाकडून घेण्यात आला आहे. दरम्यान,गुरुवारी होणाऱ्या निवडणुकीत आजच्या सारखा जोश दिसणार नसल्याची खंत माजी सरपंच शॉन मार्टीन्स यांच्यासहित रिंगणात उभ्या ठाकलेल्या अनेक उमेदवारांनी दै.गोमंतकशी बोलतांना व्यक्त केली त्यामुळे. दरम्यान,कळंगुटचे आमदार तथा विरोधी पक्ष नेते मायकल लोबो यांनी नजरचुकीने अशा चुका अनेकदां होत असतात त्यामुळे याबाबतीत कुणालाही दोषी न धरतां गुरुवारच्या फेर-निवडणूकीत पुन्हां एकदां दमदार मतदान होण्यासाठी मतदारांनी सज्ज राहाण्याचे आवाहन केले.