Maths in Konkani: गणितात वापरले जाणारे 3,600 शब्दांचे कोकणीत भाषांतर केले जाणार आहे. यासाठी केंद्रीय शिक्षण मंत्रालयाचा वैज्ञानिक आणि तांत्रिक शब्दावली आयोगाची टीम गोव्यात दाखल झाली आहे.

या टीमने गोव्यातील बिट्स पिलानी कॅम्पसला भेट दिली. पिलानी कॅम्पसच्या सहकार्याने इंग्रजी शब्दांचे कोकणीत भाषांतर केले जाणार आहे.

विविध शैक्षणिक विषयांतील वैज्ञानिक आणि तांत्रिक शब्दांचे भाषांतर केले जात आहे. त्याचाच भाग म्हणून केंद्रीय समितीची गोव्यात बैठक झाली.

समितीच्या पाच दिवसीय बैठकीत 3,600 शब्दांचे केवळ भाषांतर नव्हे तर त्याचे संदर्भ देखील समजून घेण्याबाबत चर्चा झाली.

केंद्रीय शिक्षण मंत्रालयाचा वैज्ञानिक आणि तांत्रिक शब्दावली आयोगाची 1961 मध्ये स्थापना झाली. या माध्यमातून वैज्ञानिक आणि तांत्रिक शब्दावली तयार केली जात आहे.

गणितातील अनेक वैज्ञानिक आणि तांत्रिक शब्दांचे कोकणीत भाषेत भांषातर झाल्यास प्रादेशिक भाषेत शिक्षण घेणाऱ्या विद्यार्थ्यांसाठी ते फायदेशीर ठरणार आहे. तसेच, त्याचा दिर्घकालिन वापर आणि अभ्यासक्रमात समावेश यासाठी त्याची मदत होणा आहे.