सक्तवसुली संचालनालयाने (ED) गोव्यातील चौगुले उद्योग समूहाच्या सात ठिकाणांवर छापेमारी केली आहे. ईडीने परकीय चलन व्यवस्थापन कायद्याचे (फेमा) उल्लंघन केल्याप्रकरणी ही कारवाई केली असून, विविध कागदपत्र आणि इलेक्ट्रॉनिक वस्तू जप्त करण्यात आल्या आहेत.

ईडीने दिलेल्या माहितीनुसार, फेमा उल्लंघनाच्या अंतर्गत ईडीच्या वतीने गोवा आणि मुंबईत शोध मोहिम राबविण्यात आली. यावेळी ईडीने चौगुले कंपनी, चौगुले स्टिमशिप, पीपी महात्मे आणि कंपनीसह चौगुले सदस्यांच्या सात ठिकाणांवर छापेमारी केली.

यात प्रदीप महात्मे. मंगेश सावंत यांच्या घरी देखील शोध घेण्यात आला. ईडीच्या अधिकाऱ्यांनी या कारवाईत संशयित कागदपत्रे आणि इलेक्ट्रॉनिक वस्तू जप्त केल्या आहेत.