मडगाव: गोव्यात विधानसभा निवडणुक (Assembly Elections) सात महिन्यावर येऊन ठेपलेली असताना राजकीय हालचालींना वेग आला (Goa Politics) असून या पार्श्वभूमीवर काँग्रेस (Congress) प्रवेश करणार असे सांगितले गेलेले आपचे (AAP) पूर्वीचे राज्य निमंत्रक एल्विस गोम्स (Elvis Gomes) यांनी काल काँग्रेस राष्ट्रीय प्रवक्त्या अल्का लांबा यांची भेट घेतल्याने परत राजकीय चर्चेला उत आला आहे. (Elvis Gomes meets Alka Lamb of Congress)

आमची ही सदिच्छा भेट होती असे सांगून गोम्स यांनी हा विषय मिटविण्याचा प्रयत्न केला असला तरी या बैठकीत गोम्स यांनी लवकरात लवकर काँग्रेस पक्षात सामील व्हावे अशी गळ त्यांनी घातल्याचे समजते.

एल्विस गोम्स यांच्या या भेटीने कुंकळ्ळीत युरी आलेमाव यांच्या गोटात मात्र हलचल माजली आहे असे समजते. युरी आलेमाव याना सध्या कुंकळ्ळीत काँग्रेसचा उमेदवार म्हणून पाहिले जात असून जर गोम्स यांनी काँग्रेस पक्षात प्रवेश केल्यास तेही कुंकळ्ळीच्या उमेदवारीवर दावा करू शकतील.

मिळत असलेल्या माहितीनुसार गोम्स यांनी कुंकळ्ळी व्यतिरिक्त आणखी तीन मतदारसंघाचे पर्याय खुले ठेवले आहेत. गोम्स यांनी काँग्रेस पक्षात प्रवेश केल्यास त्यांना महत्वाचे पदही देण्यात येणार असे सांगितले जात आहे.