Election Wind: येत्या विधानसभा निवडणुकीच्या पार्श्वभूमीवर गोव्यातील राजकीय हलचालींना वेग आला आहे. गोव्याच्या राजकारणाने (Goa Politics) संपूर्ण देशाच्या राजकारणात आगळावेगळा असा विक्रम केला आहे. 5 वर्षात तब्बल 24 आमदारांनी आपला राजीनामा दिला आहे. आणि निवडणूक तोंडावर असतानादेखील हे राजीनामा आणि पक्षांतराचे सत्र सुरूच आहे.

मागील काही दिवसांमध्ये अनेक राजकीय नेत्यांनी तृणमूलमध्ये (Trinamool Congress Goa) जाहीर प्रवेश केला आहे. यातच आज गावडोंगरी पंचायतीचे (Gaondongri Panchayat) माजी सरपंच अशोक वेळीप यांनीही आज टीएमसीमध्ये प्रवेश केला आहे. सुष्मिता देव (Sushmita Dev) आणि ओम प्रकाश मिश्रा यांच्या उपस्थितीत त्यांनी जाहीर प्रवेश केला आहे. गेल्या अनेक दिवसात खूप जणांनी तृणमूलमध्ये प्रवेश केल्यामुळे येत्या निवडणुकीत सत्ताधारी पक्ष भाजपला बरोबरीची टक्कर मिळण्याची शक्यता वर्तवली जात आहे.