Pharmaceutical Industry: राज्यातील मोठ्या औषध उद्योग आणि अमेरिकेसह इतर नियंत्रित बाजारपेठांमध्ये औषधांची निर्यात करण्याच्या दृष्टिकोनातून सरकारच्या अन्न आणि औषध संचालनालयाचे प्रयत्न सुरू आहेत. यासाठी गोवा आणि अमेरिकन नियामक मंचची बैठक अलीकडेच पणजीत पार पडली.

हा मंच भविष्यातील धोरणात्मक सहयोग आणि पुढाकारांसाठी सर्वोत्तम पद्धती ओळखण्यासाठी डिझाईन केला आहे. युनायटेड स्टेट्स फूड अँड ड्रग्स ॲडमिनिस्ट्रेशन इंडिया ऑफीस (यूएस एफडीए) आणि अन्न आणि औषध प्रशासन संचालनालय यांच्यातील ही पहिली वार्षिक नियामक मंचाची बैठक पणजीत आयोजित करण्यात आली होती.

निर्यात नियोजनाचा मंचचा उद्देश

यूएस एफडीए आणि गोवा एफडीए यांना ऑपरेशन्सचा तांत्रिक डेटा आदानप्रदान करणे आणि भविष्यातील कामाचे नियोजन हा या मंचचा मुख्य उद्देश आहे. यूएस एफडीए टीमचे नेतृत्व ग्रेगरी स्मिथ करत होते. ते भारतीय उप खंडाच्या पथकाचे प्रमुख आहेत, तर गोवा एफडीएचे नेतृत्व खात्याच्या संचालिका ज्योती सरदेसाई यांनी केले.