राज्यात सध्या अपघातांसोबतच आगी लागण्याच्या घटना देखील घडत आहे. वाढत्या उन्हामुळे माळरानासह काजू बागांना मोठ्या प्रमाणावर आगी लागत आहेत. तसेच काही वेळेला शॉर्ट सर्किटमुळे देखील अनेक आस्थापने, फ्लॅटही आगीच्या भक्ष्यस्थानी पडत असल्याच्या घटना घडतात.

मात्र अग्निशामक दल अथक प्रयत्नांनी आगीवर नियंत्रण मिळवत असून आज फोंड्यात अशाच एका घटनेत अग्निशामक दलाला आगीवर नियंत्रण मिळवण्यात यश आलंय.

फोंड्यातील प्रिन्सेस हेरिटेज इमारतीतल्या तिसऱ्या मजल्यावरील व्हॅलेंटिना फर्नांडिस यांच्या फ्लॅट मधील एक्झॉस्ट फॅनला आज संध्याकाळच्या सुमारास आग लागल्याची घटना घडली.

सदर घटनेचे वृत्त समजताच अग्निशामक दलाने वेळीच घटनास्थळी धाव घेऊन आगीवर नियंत्रण मिळवले.

या घटनेत मालमत्तेचे किरकोळ नुकसान झाले असून कोणतीही जीवित हानी झालेली नाही. या घटनेसंबंधी सविस्तर माहिती अद्याप मिळू शकली नाही.