Goa Degree Admission Schedule - 2023: बारावीनंतर अभियांत्रिकी आणि फार्मसी अभ्यासक्रमांच्या प्रवेशासाठी पात्र विद्यार्थ्यांची यादी प्रसिद्ध करण्यात आली आहे. दोन्ही अभ्यासक्रमांच्या पहिल्या वर्षासाठी पात्र ठरलेल्या विद्यार्थ्यांची यादी DTE च्या संकेतस्थळावर पाहता येईल. असे तंत्रशिक्षण संचालनायाने प्रसिद्ध केलेल्या पत्रकात म्हटले आहे.

तंत्रशिक्षण संचालनालयच्या संकेतस्थळावर 20 जून रोजी तात्पुरती गुणवत्ता प्रसिद्ध केली जाणार असून, 21 जून रोजी सायंकाळी पाच वाजता अंतिम गुणवत्ता यादी प्रसिद्ध केली जाईल.

प्रवेशाच्या फेरीला गुरूवारपासून (22 जून) सुरूवात होईल तर, 28 जून प्रवेश घेण्याचा अंतिम दिवस असेल. असे तंत्रशिक्षण संचालनालयच्या प्रसिद्ध पत्रकात म्हटले आहे.

अभ्यासक्रम, विभाग आणि गुणवत्ता यादीतील क्रमांक याबाबत सविस्तर माहिती तंत्रशिक्षण संचालनालयच्या www.dte.goa.goa.in या संकेतस्थळावर 20 जूनपासून पाहायला मिळेल. नीट आधारीत प्रवेशाबाबतची सूचना नंतर प्रसिद्ध केली जाईल असे पत्रकात म्हटले आहे.

पात्र विद्यार्थ्यांनी प्रवेश निश्चित करण्यासाठी स्वत: उपस्थित राहवे असेही संचालनालयाने म्हटले आहे.