Pernem Crime: गोव्यात अवैध मालमत्ता धारकांना गोवा पोलिस चांगलाच धडा शिकवत आहेत. विधानसभा निवडणुकीच्या पार्श्वभूमीवर आचारसंहितेचा भंग होऊ नये आणि गुन्हे (Crime) होऊ नयेत यासाठी पोलिस प्रशासन सतर्क आहे. पेडणे पोलिसांनी (Pernem Police) मोरजी येथे छापा टाकून गणेश पुंडूर (हिमाचल प्रदेश) याला अटक केली असून त्याच्याकडून 2.10 लाखांचा चरस जप्त केला आहे.

गोवा पोलिसांच्या (Goa Police) धाडसत्रात काही दिवसांमध्ये वाढ झाली आहे. रोज अवैध मद्यसाठा आणि अमली पदार्थांच्या ठिकाणी पोलिस छापे मारून गुन्हेगारांना जेरबंद करत आहेत.