हरियाणा: पंचकुला येथून गोव्यात कुरिअरद्वारे चरस पाठवण्याचा कट रचणाऱ्या आरोपीला गुन्हे शाखेने अटक केली आहे. कुरिअर कंपनीच्या स्कॅनरमध्ये शेंगदाणे आणि पापडमध्ये 98 ग्रॅम आणि 14 मिलीग्राम चरस आढळून आल्याने हा प्रकार उघडकीस आला.

आरोपींनी शेंगदाणे आणि पापडात चरस लपवून गोव्यात चरस पाठवण्याचा प्रयत्न केला होता. कुरिअर कंपनीच्या स्कॅनरमध्ये ही बाब उघडकीस आली आणि पोलिसांनी तत्काळ कारवाई करत आरोपीला अटक केली. आरोपीला न्यायालयात हजर केले असता ४ दिवसांची पोलीस कोठडी सुनावण्यात आली आहे.

गोव्यात चरस खरेदी कोण करणार होता त्या व्यक्तीलाही लवकरच अटक करण्यात येणार असल्याचे पोलिसांनी म्हटले आहे.

पार्सलमध्ये शेंगदाणे आणि पापडाऐवजी चरस असल्याचे कुरिअर कंपनीच्या स्कॅनरमध्ये उघड झाले. यानंतर पोलिसांना माहिती देण्यात आली आणि पोलिसांनी तत्काळ कारवाई करत आरोपीला अटक केली.

माहिती मिळताच पोलिसांचे पथक घटनास्थळी दाखल झाले आणि कुरिअरच्या पाकिटावर पाठवणाऱ्याचा मोबाईल क्रमांकही सापडला. तो लिफाफा गोव्याला पाठवला जाणार होता. आरोपींनी शेंगदाणे आणि पापडाच्या आत चरस लपवून ठेवला होता. याप्रकरणी पोलिसांनी अमन रघुवंशी याला अटक केली आहे.

अटक करण्यात आलेला आरोपी पंजाबमधील मोहाली येथे खाजगी नोकरी करतो, अशी माहिती पोलिसांनी एका स्थानिक वृत्तपत्राला दिली आहे. लवकरच गोव्यात कोण चरस खरेदी करणार होता त्या व्यक्तीलाही या प्रकरणात अटक करण्यात येणार असून या प्रकरणात सहभागी असलेल्या सर्वांना अटक केली जाईल, असे पोलिसांनी म्हटले आहे.