Goa Drug Cases हणजूण पोलिसांनी गुजरातमधील एका आरोपीला अवैध ड्रग्ज बाळगल्याप्रकरणी अटक केली आहे.

एसडीपीओ म्हापसा जिवबा दळवी यांनी दिलेल्या माहितीनुसार,शिवोली येथील व्हिलामध्ये एका आरोपीने ड्रग्जचा पुरवठा करण्यासाठी साठा केला होता.

त्याच्या घराची झडती घेण्यात आली असता घरात लपवून ठेवलेली 270 ग्रॅम चरससह एकूण 4.7 लिटरच्या एकूण 475 केटामाइनच्या बाटल्या सापडल्या.

जयराजसिंग किरीटसिंह चावडा, (वय 33 वर्ष रा. उत्तर अहमदाबाद, गुजरात) असे आरोपीचे नाव आहे. सध्या तो चौडी वाडा, शिवोली बारदेश गोवा येथे राहतो.

पोलिसांनी पंचनामा करून तत्काळ अमली पदार्थ जप्त करून ताब्यात घेतले. जयराजसिंग याच्या विरुद्ध NDPS कायद्याच्या 20(b) (ii) (B) ची नोंद करण्यात आली आहे.

छापा टाकणाऱ्या पथकात एलपीएसआय स्नेहा सावळ, पीसी रामदास हरमलकर, अर्जुन सावंत, सखाराम साळगावकर, पीएसआय साहिल वारंग यांचा समावेश होता.

एसपी निधिन वलसन आयपीएस यांनी दिलेल्या माहितीनुसार या वर्षातील हा सर्वात मोठा ड्रग्ज जप्त करण्यात आला आहे. एसडीपीओ म्हापसा जिवबा दळवी यांच्या देखरेखीखाली हणजूण पोलीस पुढील तपास करत आहेत. .