फोंडा: कुर्टी येथील डॉ. के. ब. हेडगेवार विद्यालयाची वार्षिक सर्वसाधारण सभा नुकतीच झाली. या सभेला माध्यमिक विभागातील असंख्य पालकांची उपस्थिती होती. या बैठकीत शैक्षणिक वर्ष २०२६-२७ साठी पालक-शिक्षक संघाची नवी कार्यकारिणी निवडली.

नवी कार्यकारिणी पुढीलप्रमाणे. अध्यक्ष साळू भगत, उपाध्यक्ष सरिता गावडे, खजिनदार ज्योतिबा हिरोजी, सचिव महंतेश मदार (शिक्षक) सहसचिव केतन गावकर (शिक्षक). या सभेसाठी कुजिरा येथील उच्च माध्यमिक विद्यालयाचे प्राचार्य दीपक आमोणकर उपस्थित होते.

दीपक आमोणकर म्हणाले, की केवळ गुणांच्या मागे न धावता भारताला प्रगतिपथावर नेण्यासाठी संस्कारक्षम पिढी घडविणे अत्यंत महत्त्वाचे आहे. व्यासपीठावर शाळेचे अध्यक्ष उदय तिळवे, व्यवस्थापक सुदेश कवळेकर, पालक प्रतिनिधी साळू भगत, मुख्याध्यापक सर्वेश्वर भैरेली तसेच ज्येष्ठ शिक्षक चेतन बोरकर उपस्थित होते. सूत्रसंचालन शिक्षिका सुमेधा नाईक यांनी केले, तर उपस्थितांचे आभार प्रिया गावकर यांनी मानले.