केपे : स्मशानभूमीसाठी आपली जागा देणे, हे एक पवित्र दान असल्याचे उद्गार कला व सांस्कृतिक मंत्री गोविंद गावडे यांनी काढले. ते मिराबाग सावर्डे येथे सुशोभीकरण करण्यात आलेल्या स्मशानभूमीच्या उद्घाटन कार्यक्रमात बोलत होते.
सावर्डेचे आमदार गणेश गावकर, सरपंच संदीप पाऊसकर, पंच सदस्य संजय नाईक, अमेय नाईक, नितेश नाईक व इतर मान्यवर उपस्थित होते. या जन्मात आलेल्या माणसाला जावेच लागते, पण काही ठिकाणी स्मशानभूमी नसल्याने अंत्यसंस्कार करण्यासाठी ताटकळत राहावे लागते. यासाठी प्रत्येक गावात सुसज्ज अशी स्मशानभूमी असणे गरजेचे आहे.
राज्य सरकारने याचा विचार करून गावोगावी स्मशानभूमी बांधण्यावर भर दिला आहे, असे त्यांनी सांगितले. मिराबाग येथील या स्मशानभूमीचे काम ग्रामीण विकास खात्यातर्फे करण्यात आल्याचे त्यांनी सांगितले.
मिराबाग येथील स्मशानभूमी छोट्या जागेत होती, त्याच जागेवर त्याचे सुशोभीकरण काम हाती घेतले होते, पण गावातील घरघरो नाईक यांनी आपली काही जागा या स्मशानभूमीला दान करून सुसज्ज अशी स्मशानभूमी तयार झाल्याने आमदार गावकर यांनी घरघरो नाईक यांचे अभिनंदन केले.
नाईक यांनी एक चांगले काम केल्याचे त्यांनी सांगितले. पंच सदस्य संजय नाईक यांच्या मार्गदर्शनाखाली एक अत्यंत चांगले काम झाले असून लोकांनी दिलेल्या सहकार्याबद्दल गावकर यांनी ग्रामस्थांचे अभिनंदन केले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.