नागाव-बार्देश येथून अपघाताची घटना समोर आली आहे. नागाव-बार्देश रस्त्यावर ठेवलेल्या वीज केबल रीलला कारची जोरदार धडक. हे रील अपघातांना आमंत्रण देत आहे. या अपघातात सुदैवाने जीवीतहानी टळली.

सुमीत मोहन दास (32, मूळ गाव ओडिशा) याला पोलिसांनी गांजा बाळगल्याप्रकरणी अटक केली. 895 ग्रॅम गांजासह कोलवा पोलिसांनी संशयिताला बेताळबाटी येथून ताब्यात घेतले.

थिवी येथील खारगली वाडा येथे बिबट्याने शेळीवर हल्ला केला. सरकारच्या प्रस्तावित खाजगी विद्यापीठाच्या जागेवर बिबट्याच्या पावलांचे ठसे आढळून आले.

संशयित शासकीय कर्मचारी श्रीधर सातारकर (फोंडा) याने गळफास लावून आत्महत्या केली आहे. चौकशीनंतर बेपत्ता असलेला श्रीधर हा पूजा नाईकच्या सरकारी नोकरी घोटाळ्यामध्ये सहभागी होता.

कुळेत दूधसागर असोसिएशनच्या साखळी उपोषणाच्या स्थळी वातावरण तंग झाले. उपोषणकर्ते आणि समर्थकांनी कुळे गावाच्या रस्त्यावर ठीय्या मांडला. उपजिल्हाधिकारी, पोलिस उप-अधिक्षक मोठ्या पोलिस फौजफाट्यासह घटनास्थळी पोहोचले.