राज्यभरातील दिव्यांगाचे जीवन सुसह्य करण्यासाठी सरकार प्रयत्नशील आहे. त्यासाठीच दिव्यांगांना मोफत उपकरणे देण्यासाठी राज्य सरकार सर्वतोपरी प्रयत्न करीत आहे, असे मुख्यमंत्री डॉ. प्रमोद सावंत यांनी आज विधानसभा संकूल परिसरात सांगितले. हिंदुस्तान पेट्रोलियम कॉर्पोरेशन लिमिटेडच्या सामाजिक बांधिलकी उपक्रमाखाली दिव्यांग व्यक्तींसाठी निओ फ्लाय आणि निओ बोल्ट कंपनीच्या एकूण ३२ इलेक्ट्रिक टू-व्हीलरचे वाटप केल्यानंतर ते बोलत होते.

मुख्यमंत्र्यांनी संजय स्कूल फॉर स्पेशल एज्युकेशन सेंटरमधील विशेष विद्यार्थ्यांना आवाजाची सुविधा असलेल्या १२ टॅब्लेटचे वाटप केले.

समाजकल्याण मंत्री सुभाष फळदेसाई यांनी एचपीसीएलच्या पुढाकाराबद्दल पेट्रोलियमचे आभार व्यक्त केले.

यावेळी विधानसभेचे सभापती रमेश तवडकर, आमदार डॉ. दिव्या राणे, चंद्रकांत शेट्ये, प्रेमेंद्र शेट, दिगंबर कामत, दाजी साळकर, समाज कल्याण सचिव ई. वल्लवन, अपंग व्यक्तींसाठाचे राज्य आयुक्त गुरुप्रसाद पावसकर आणि गोवा राज्य अपंग व्यक्ती आयुक्तालयाचे सचिव ताहा हाझिक, कंपनीचे अधिकारी राजीव गोयल, शशांक तिवारी, आणि श्रुती पालन उपस्थित होत्या.